سياسة الخصوصية

الصفحة دي بتقول بالظبط إيه اللي بنجمعه منك، وليه، ومين بيشوفه. لو فيه حاجة مش واضحة، ابعتلنا من صندوق الدعم جوه الإعدادات.

إيه اللي بنجمعه

• بيانات الحساب: اسمك وإيميلك. لو دخلت بجوجل، بناخد الاسم والإيميل والصورة من حسابك — وبس. مش بنوصل لأي حاجة تانية في حسابك على جوجل.
• شعبتك (علمي رياضة / علمي علوم / أدبي) عشان نعرض لك موادك.
• أسئلتك وردود المساعد — بتتحفظ عشان تلاقي محادثاتك القديمة.
• إجاباتك في الامتحانات ونتايجها، عشان نحللها ونقولك نقط ضعفك.
• الصور والملفات اللي بترفعها في المحادثة.
• عدد رسايلك وامتحاناتك في الشهر عشان حدود الباقة.

مش بنجمع رقم تليفونك، ولا عنوانك، ولا أي بيانات دفع. لما نشغّل الدفع، بوابة الدفع هي اللي هتتعامل مع الكارت — إحنا مش بنشوفه ولا بنخزّنه.

مين بيشوف بياناتك

بنستعين بخدمات بتشغّل الموقع. كل واحدة بتشوف الجزء اللي شغلها محتاجه بس:

• Supabase — قاعدة البيانات وتسجيل الدخول.
• Google Gemini — بيستقبل سؤالك ومقاطع الكتاب عشان يصيغ الرد.
• Resend — بيبعت إيميلات التأكيد وتغيير الباسوورد.
• Vercel — استضافة الموقع.

مش بنبيع بياناتك ولا بنأجّرها لأي حد. ومش بنستخدمها في إعلانات.

قد إيه بنحتفظ بيها

• الصور والملفات المرفوعة بتتمسح تلقائيًا كل شهر.
• باقي بيانات حسابك بتفضل طول ما الحساب موجود.

حقوقك

تقدر تطلب نسخة من بياناتك، أو تطلب مسح حسابك بالكامل. ابعت الطلب من صندوق الدعم جوه الإعدادات وهننفّذه. مسح الحساب بيشيل محادثاتك وامتحاناتك وملفاتك، ومش بيترجع.

الأطفال

الموقع موجّه لطلبة الثانوية العامة. لو عندك أقل من ١٦ سنة، لازم يكون ولي أمرك عارف وموافق على استخدامك ليه.

التغييرات

لو غيّرنا حاجة مهمة في الصفحة دي، هنبلّغك بإيميل على العنوان المسجّل في حسابك.